حنا طلاب سعوديين 🇸🇦 مبتعثين في أمريكا 🇺🇸،يجمعنا فضول ما يوقف وحب كبير للتقنية والاستثمار، وشغف في بناء منتجات ذات جودة تصنع فرق وتقدّم قيمة حقيقية.ويجمعنا بعد حبنا الكبير لمدينة نيويورك 😁🗽

بدافع فضولنا المستمر وبعد تجاربنا المتواضعة في السوق الأمريكي، بدأنا نتساءل عن تجربة المستثمر الفرد في السعودية، واكتشفنا بعض التحديات:

• قلة الأدوات والمعلومات الواضحة اللي تعين المستثمر على اتخاذ قرارات بثقة.
• اعتماد كثير من الأفراد على الحدس بدل التحليل.
• ثقافة علاقات المستثمرين عند كثير من الشركات ما زالت أقل من المستوى العالمي.
• ونبي نسمع أكثر عن التحديات.. (الرابط تحت لو ودك تشاركنا).

ومن هنا بدأنا “ريم”.

هدفنا المبدئي هو توحيد بيانات وتقارير الشركات وعروض المستثمرين في مكان واحد، مرتب وسهل الوصول، ومدعوم بذكاء اصطناعي يساعد المستثمر الفرد ويقوي ثقته بقراراته. ببساطة تسهيل رحلة البحث، اللي غالبًا تكون طويلة ومكلفة لأسباب كثيرة أهمها قلة الأدوات والخيارات بالسوق.

لكن طموحنا ابعد: هدفنا نبني منتجات تطلع من السعودية وتوصل للعالم، منتجات بمستوى عالي نفتخر فيها وننافس فيها عالميًا. واليوم نشوف “ريم” مجرد خطوة أولى. وندرك أن قدامنا مشوار طويل، لكننا متأكدين أن اللي بيقربنا للهدف أننا نبدأ ونتحرك، نجرب، ونتعلم، نطور، ونتطور مع كل خطوة.